Beeline: Customer service is not our priority

Ուշաթափվելու բան ա, ու էլի Beeline-ի հետ կապված:

Beeline-ից զանգում են բջջային հեռախոսիս.

Beeline: Բարեւ Ձեզ, Beeline-ից ա, ուզում էի իմանալ ինտերնետից բողոք ունե՞ք, թե փակեմ հայտը:

Ես: Ի՞նչ հայտ:

Beeline: Հայտ էիք ներկայացրել, որ ինտերնետ չունեք, ուզում եմ իմանալ արդեն ունե՞ք, կարգին ա՞, փակե՞մ հայտը:

Ես: Ներողություն, իսկ ե՞րբ եմ հայտ ներկայացրել:

Beeline: Հունվարին հայտ եք ներկայացրել, wi-fi մոդեմի հետ խնդիր ունեիք, հիմա նորմալ ա՞, փակե՞մ հայտը:

Ես: Հունվարին հայտ եմ ներկայացրել, որ ինտերնետի հետ խնդիր ունեմ, դուք ինձ ապրիլի՞ն եք զանգում… Տուուուուուու

Ու գնաց հոգնան… Բայց էդ տղան էնքան նագլի էր, ասում ա՝ ես պարտավոր չէի զանգել հարցնել, կարող էի հայտը միանգամից փակել: Փակեիր, իբր մեծ ֆեյվըր ես արել՝ երեք ամիս հետո զանգելով :ՃՃՃ բարդ ա, ասեմ ձեզ, շատ բարդ  ա:ՃՃՃՃ

Ես vs Beeline – 1:0

Եթե նշածս խորհուրդները չեն օգնում, թուղթուգիր արեք Beeline-ին

Բանը դատին չհասավ: Դատին 5 պակաս լուծվեց: Արդեն աշխատանքային 9-րդ օրվա կեսերին պարզ դարձավ, որ Beeline-ը ինձ չի պատասխանի եւ որ ոչ ոք էլ տեղյակ չէ իմ «չարաբաստիկ» դիմումից, երբ զանգահարեցի ընդհանուր բաժին ու հեռախոսի մյուս ծայրից լսեցի «Ձեր դիմումին դեռ պատասխան չկա»:
Մարինեն նյութ էր գրելու Beeline-ի, նրա մոդեմների եւ հաճախորդների դժգոհությունների մասին: Որոշել էր անդրադառնալ նաեւ իմ դեպքին եւ զանգահարել էր Beeline-ի հասարակայնության հետ կապերի պատասխանատուին՝ Անուշ Բեղլոյանին:

Նա ասել էր, որ կարդացել է իմ փոսթը, անգամ քոմենթել է, բայց ես չեմ պատասխանել, եւ կուզենար ինձ հետ խոսել, պարզել ամեն ինչ: Ես, իհարկե, չգիտեմ` ինչ քոմենթի մասին է խոսքը, միգուցե մի տեղ իսկապես քոմենթել է, որովհետեւ տարբեր մարդիկ share էին արել փոսթը, թե չէ հաստատ կպատասխանեի՝ հատկապես եթե իմանայի, որ Beeline-ի ներկայացուցիչ է հետաքրքրվում:

Եւ այսպես ես զանգեցի Անուշին: Խոսեցինք, պատմեցի: Հետաքրքրվեց, թե ով է ինձ հետ նման կերպ վարվել: Ես չգիտեի անունը աղջկա: Խնդրեց տեխնիկական մասին փոխանցել հեռախոսահամարս, որպեսզի այնտեղից զանգեն պարզեն մոդեմիս խնդիրը, ուղղակի, որ իմանան ինչ խնդիր ունի:

Զանգեցին տեխնիկական մասից: Բացատրեցի, միանգամից հասկացան, որ իսկապես մոդեմն է մեղավոր: Առաջարկեցին ցանկությանս դեպքում սարքել մոդեմս: Ասացի, որ ուզում եմ հետ վերադարձնել:

Զանգեց Հյուսիսային պողոտայի սպասարկման կենտրոնի մենեջեր Սյուզին: Նա նույնպես հետաքրքվեց, թե ով է ինձ հետ վատ վարվել, հետո առաջարկեց գումարս փոխանցել առձեռն կամ ինտերնետային հաշվիս: Դա էլ որոշեցինք:

Ընդամենը մի քանի րոպեում լուծվեց իմ երկշաբաթյա վեճը, որովհետեւ բարձրաձայնել էի այդ մասին: Եւ մի վայրկյանում վերապացուցվեցին այս դրույթները՝

• Beeline-ը հետեւողական չէ եւ լավ չի աշխատում:
  Մինչեւ Անուշ Բեղլոյանը շուխուր չարեց, ինձ ոչ ոք չպատասխանեց:  Համզոված եմ, որ չէին էլ պատասխանի:
• Որքան Էֆեկտիվ է սոցիալական մեդիան

Բոլոր նրանց, ովքեր Beeline-ի հետ խնդիր ունեն/հնարավոր է ունենան հետագայում
Ի ԳԻՏՈՒԹՅՈՒՆ՝

1. Դիմում գրելիս պատճենահանեք դիմումը, որպեսզի ապացույց ունենաք, երբ այն պետք գա:
2. Եթե չեք պատճենահանել եւ ցանկանում եք ունենալ դիմումի կրկնօրինակը, ոչ ոք իրավունք չունի Ձեզ այն չտրամադրելու:
Բոլոր «արդարացումներն ու բացատրությունները», թե դա ներքին տեղեկատվություն է, նոնսենս են: Ձեր դիմումը չի կարող լինել մեկի ներքին տեղեկատվությունը, այն Դուք եք գրել, այն Ձեզ է պատկանում:
3. Եթե դիմում եք գրել, պահանջեք դիմումի մուտքի համարը: Ոչ ոք իրավունք չունի Ձեզ չտրամադրելու Ձեր դիմումի մուտքի համարը:
4. Եթե այս ամենն արել եք եւ, միեւնույն է, չունեք վերը նշված դիմումի պատճենն ու մուտքի համարը, խնդրեք կանչել մենեջերին:
5. Եթե մենեջերի հետ էլ չեք կարողանում հանդիպել, բլոգ գրեք եւ զանգեք Անուշ Բեղլոյանին:

P.S. Հետեւողական եղեք: Ձեզանից բացի, ոչ մեկի դարդը չի կտրվել Ձեր դարդով տապակվելու:

Բարին ընդ Ձեզ :Ճ

p.p.s. Before you leave, please, tell me that you were here..

անքուն գիշերներ կամ “Hi”-line sucks

Hi-Line ինտերնետային նոր ծառայությունը ապահովում է բարձր արագությամբ ինտերնետ կապ` Ձեր ունեցած սովորական հեռախոսագծով: Hi-Line ինտերնենտային նոր ծառայությունը հնարավորություն է ընձեռում ֆիլմեր, երգեր բեռնավորել, ուղարկել և ստանալ էլեկտրոնային նամակներ, և պարզապես ճամփորդել ինտերնետում: Կարիք չկա զանգ կատարել Ինտերնետին միանալու համար: Hi-Line ծառայությունը կարելի է մշտապես միացած թողնել: Ծառայության հետ կապված խնդիրներ առաջանալու դեպքում զանգահարեք 8899 անվճար հեռախոսահամարով:

Beeline-ի առաջարկած Hi-Line ծառայությունը սկզբում իրոք փրկություն էր թվում: Ես հիշում եմ՝ երբ dial-up-ից անցա Hi-Line unlimited-ին երջանկությունից թռչկոտում էի: Բայց երջանկությունս երկար չտեւեց: Ընդամենը մի քանի ամիս հետո ես դարձա Hi-Line-ի երեւի ամենաատելի բաժանորդը օրական մի քանի անգամ զանգելու պատճառով:

- Բարեւ Ձեզ, ես ****** բաժանորդն եմ, ինտերնետ չունեմ:

- Մեզ մոտից ամեն ինչ կարգին է: Ձեր հեռախոսագծերի խնդիրն է: Մենք ոչինչ չենք կարող անել:   Մասնագետ կուղարկենք Ձեր գծերը ստուգելու  համար:

—————————————————————————————–

- Բարեւ Ձեզ, ես ****** բաժանորդն եմ, ինտերնետ չունեմ:

-  15 րոպեով անջատեք մոդեմը, ես կփորձեմ մեզ մոտից ռեստարտ տալ:

—————————————————————————————–

- Բարեւ Ձեզ, ես ****** բաժանորդն եմ, ինտերնետ չունեմ:

- Ցույց է տալիս, որ ամեն ինչ կարգին է:

- Ինչպես կարող է կարգին լինել, եթե Ձեզ մոտից ես սիգնալ (ազդանշան) չեմ ստանում:

- Խնդիրը Ձեզ մոտից է, ես ոչնչով չեմ կարող օգնել:

—————————————————————————————–

- Բարեւ Ձեզ, ես ****** բաժանորդն եմ, եւ, ինչպես հաճախ, ինտերնետ չունեմ:

-Սա ընդհանուր կապի ծանրաբեռնվածությունից է, ընթացքում կկարգավորվի:

2 անգամ մասնագետ ուղարկեցին ստուգելու. «պարզվեց» մեր հեռախոսագծերը խնդիր չունեն: Հիմա, երբ ասում եմ, որ մասնագետը 2 անգամ եկել է, ամեն ինչ կարգին է գծերի հետ, ասում են, որ չեն հասկանում խնդիրն ինչ է: Ու ես շարունակում եմ տանջվել անորակ ինետ կապից:

Մի քանի ամիս առաջ շուրջօրյա ծառայությունը դադարեցվեց. բաժանորդներն իրենց խնդիրների վերաբերյալ կարող են դիմել մինչեւ ժամը 02:00-ը: «Ամենազվարճալին» այն է, որ շատ հաճախ, երբ ինտերնետ չկա, օպերատորները հեռախոսը չեն վերցնում:

Ժամը 16-ից 22-ը ինձ մոտ ինտերնետի արագությունը հավասարվում է 0-ի: Ոչ մի սայթ, ոչ մի մեսինջեր, անգամ թեթեւ սկայպը չի կարողանում աշխատել: Նյարդերս խնայելու համար գիշերը 4-ից հետո եմ օգտագործում ինտերնետը:

Իսկ Beeline-ը իր կայքում դեռ հայտարարում է ՝

Hi-Line ինտերնենտային նոր ծառայությունը ապահովում է բարձր արագությամբ ինտերնետ կապ` Ձեր ունեցած սովորական հեռախոսագծով…. Ծառայության հետ կապված խնդիրներ առաջանալու դեպքում զանգահարեք 8899 անվճար հեռախոսահամարով: